Xabier Olaso

Egutegi baten egituran 365 igarkizun jaso ditu Xabier Olasok liburu honetan, egun bakoitzeko bat, hilabete eta urtaro ezberdientan banatuta, bizitzak berak egunero dakarrelako berarekin asmatu beharreko igarkizun bat. Jolastu eta ikasi.

urrust-parrast olatuak, eta ni surfari. Purrust-parrast karraska, eta ni arrainen bazka.

Paulek oso atsegin ditu igandeak, esnatu orduko gurasoen ohe handira joaten baita jolastera. Han itsasontzi pirata bateko kapitaina dela imajinatzen du, edo pressing catcheko borrokalaria, edo zirkoko saltinbankia, edo... Behin batean, itsas hondoko altxor-bilatzailea zela imajinatu eta izaren artean murgildu zen. Eta han, oheko itsaso sakonean, abentura miresgarria bizi izan zuen.

Jolas-ordua da ikastolan eta maisua jolaslekuko bazterrak zaintzen ari da Maider ikasle xaloa hurbildu zaionean. Jolas bat egiten uzteko erregutu dio maisuari, jolas berezi-berezia: Gurarien esku-jolasa. Hasterakoan maisuak gurari bat pentsatu behar izan du berekiko eta, itxaropentsu, Maiderren argibide guztiei jarraitu die. Maisuaren guraria bete ote da?

Saturnino satorra oso estimatua zen Txuntxurrun berdeko basoan. Animalia guztiek maite zuten, txikietan txikienetik hasi eta handietan handienarekin bukatu. Egunak joan, egunak etorri, Satur satorra zahartu eta ikusmena ere guztiz galdu zuen. Geroztik triste bizi zen bere ezkutalekuan kuzkurturik, apenas irten gabe. Egun batean hogeita hamar animalia bisitan joan zitzaizkion, txikiak, ertainak eta handiak. Eta ipuinak eta pasadizoak kontatu zizkioten Saturri, laburrak, ertainak eta luzeak. Liburu honetan daude guzti-guztiak, txikietan txikienetik hasi eta handietan handienarekin bukatu.

Ni lo nengokeeta lo zeundeke zu,ibai honen izena igarriko ez bazenu.Hirurehun eta berrogeita hamar igarkizun berri biltzen ditu liburu honek. Irudimenarekin eta hizkuntzarekin jolasteko proposamenak dira. Bereziki 8/12 urteko neska-mutikoei zuzendua dago.HITZAURREAIgarkizunekin jolas egiteko une kilikaria iritsi da, igarle hori.Hemendik aurrera ni izango naiz jolasa abian jartzeko proposamena egingo duena. Hara, ni igarkizunen igorlea izango naiz, eta zu, berriz, igarkizunen igarlea, ados? Baina, horretan hasi aurretxotik, kontutxo bat ere aitortu behar dizut igarkizun hauen guztien harira. Jakizu, igarle horrek, igarkizun-bilduma hau idazten hasi nintzenean buru-belarri ibili nintzela zu nondik nora engainatuko, zu nola nahaspilatuko, zuri erantzun okerra nola agertuko eta, halaber, erantzun zuzena nola ezkutatuko Eta gerora ere horretan jarraitu dut, dili-dale, erantzunak azaletik iradokitzen eta, aldi berean, sakonean ezkutatzen; bi adierako hitzak erabiltzen eta, aldi berean, gaizki-ulertuak eta zalantzak eragiten; zure arreta zirikatzen eta, aldi berean, laino eta sasiekin zu endredatzen, kikuka eta kukumikuka. Hitzekin jolastea eta beren bazterrak nahasten ibiltzea ariketa ederra izan da, alajaina. Hori guztia zertarako, baina? Bada, zuri, igarle horri, igorle temati honen igarkizunetan zangotraba egitearren, hitzaren tranpetan ziplo eror zaitezen, erantzun zuzena igar ez dezazun...Orain, liburuaz bestaldean zauden horrek, adimena eta irudimena zorroztu, eta hitzen bazterrak kuxkuxeatzen ibil zaitez, zirrituetatik kirika, ezkutaturik dagoenaren izena lehenbailehen ahora ekartzeko. Ipuinetako euskal sorginak nola, han-hemenka nik zabaldutako sasi guztien gainetik eta laino guztien azpitik hegan egiteko garai magikoa iritsi zaizu; egizu erratz baten gainean, gogo baduzu.Besterik ez, nire partez. Atzamarra listu-puntatxo batez busti, eta egizu liburu honetan aurrera. Abentura miresgarria izango ahal da! Igarkizun-partida hau irabaziko ahal didazu!Nik papaita, zuk papaita, hau guztia egia baita.Igarkizunen trena abian jartzeko prest daukazu,txiki-txaka, txiki-txaka txakala-txakala, txakala-txakalafiiiiii-fuuuuuXabier Olaso

Tibeteko monastegi budista batean bizi den lama edo maisu espirituala da Shan. Jakintsua esan nahi du bere izenak.Gau ilunean monastegi horretara iritsi den hamabi urteko mutiko umezurtza da Shen. Pentsalari handia esan nahi du bere izenak. Hainbat egunez, zedro tantai baten abaroan elkartuko dira Shan eta Shen, maisua eta dizipulua.Elkarrekin ibiliko dituzten bideak izango dira ikasbide. Eguna joan eta eguna etorri, urte askoan bereganaturiko jakituria mutikoaren alde jarriko du Shanek. Aholku emango dio batzuetan. Alegiak edo ipuinak bitarteko direla bizitzari loturiko irakaspenak jakinaraziko dizkio bestetzuetan. Mutikoak, bestalde, begiak adi-adi, belarriak erne-erne eta bihotza zabal-zabal jasoko ditu maisuaren irakaspen horiek guztiak.

Erraldoi da aita, Maritantai da ama, eta Patxikankailu semea. Erraldoien familia osatzen dute, eta haien bizitzan dena da erraldoia: arropak, janariak, etxeko tresnak baita abentura hauek irakurtzean egingo dituzun algarak ere. Umorez eta fantasiaz beteriko ipuin bat duzu hau, Erraldoien bizimodua, ohiturak eta eguneroko gorabeherak kontatzen dituena eta Mikel Zarate haur-literaturako sariaren irabazlea.

Pentsa ezazu soka bat duzula, eta baserriko hainbat animalia. Horiekin guztiekin gauza izango zinateke zerbait asmatzeko? Bada, ezinezkoa dirudien arren, Iker Ikerlariak iratzargailu bat asmatu zuen.

Hotsateko basoa hotsez eta hitzez beterik dago. Bertako animaliak eta pertsonaiak ezagutuku dituzu orriotan ibili-ibilian. Irudimenez bete motxila eta bizkarrean hartu. Osteratxo bat egin dezagun Hot

Jakizu, laguntxo hori, eskuartean duzun liburu honetara luzaroan idatzi ditudan hainbat eta hainbat igarkizun eta aho-korapilo bildu ditudala, denak ala denak ere zu jolas zaitezen ondutakoak. Nik ondo baino hobeto pasatu dut guzti-guztiak asmatzen, zeharbideak bilatzen, hitzak josten, mezuak makilatzen, esaldiak mozorrotzen, janzten, eranzten Orain, liburua plazan dagoen honetan, zeu zara protagonista nagusia eta zera nahiko nuke, igarle, zeuk ere ondo baino hobeto pasatzea aho-korapilo eta igarkizunon hitzak askatzen, mezuak desmakilatzen, esaldiei mozorroa kentzen, eranzten, janzten, igartzenX. O.

ISBN hau ez dago oraindik erregistratuta edo argitaratuta; baliteke errorea izatea edo edizio mugatua izatea.

Irakurle fin-fina da Iker ikerlaria. Erraldoi ere bilaka daiteke, oinak lurrean, liburua eskuetan eta burua… hodeietan. Irakurriz abentura miresgarriak bizi izaten ditu. Ezagutu nahi duzu horietako b

Ordu txikitan idazten ari zela, lo seko gelditu zen Xabier. Ahots batzuek esnatu zuten bat-batean. Begiak ireki, eta galtzagorri batzuk ikusi zituen ingurumarian. Lau ziren guztira, bihurriak eta jostariak. Langile prestuak ere baziren, eta buru-belarri lagundu zioten Xabierri. Hauxe duzue beraien kontakizuna, guztiz dibertigarria. Ezagutu nahi duzue?

Ilargian kulunkantari" saileko ale bakoitza ariketa poetiko bat da "begia hezteko eta belarria goxatzeko", Antonio Rubio egileak azaltzen duen bezala. Itxuraz xumeak izan arren, diseinuan zein edukietan, hausnarketarako eta sorkuntzarako.prozesu luze baten emaitza dira.Kantutegi tradizionalaren baliabideetan oinarrituta (errima, erritmoa, zenbaketa, errepikapena, metaketa...) eta hondo argien gainetik nabarmentzen diren irudi ezagunetan, kantatzeko eta kontatzeko bilduma hau erreferente bat da Haur eta Lehen Hezkuntzan 0-3 urte bitarteko haur askoren aurreirakurketaren bidean.Kolore biziz horniturik dauden liburukion proposamen estetikoa, 1999 urteko Ilustrazio Sari Nazionala jaso zuen Oscar Villanen eskutik datorkigu. Artisau-lana da berea, erraz antzematen diren pintzelkadaz eta tonalitatez hornitua; ehundura horiek guztiak ukitzeko modukoak dira batzuetan. Irudia nabarmen gelditzen da hondo argiko alderdian: marrazkia soil-soila da, eta erraz antzematen da, artistaren beraren ukitua bistan-bistan gelditzen delarik. Bi sortzaileon ekarpen literario eta plastikotik abiatuta, KALANDRAKAREN lana zera izan da, bi aldeak uztartzea, sortze prozesua bideratzea, eta, azkenik, argitalpenaz arduratzea.Ilargian kulunkantari bildumako liburuki bakoitza ariketa poetiko soil-soila da, baina aldi berean, musikaren indarra ere bere-berea du. Horren bidez, haurrak ezkerretik eskuinera eta goitik behera nola irakurri ikasiko du, eta, era berean, orrietan aurrera egin ahala bertsoen joan-etorriari bide ematen zaiola ere ohartuko da. Ilustrazioek berebiziko garrantzia hartzen dute grafiaren aldean. Irudi irakurterrazak dira eta hitzak bezalatsu artikulatzen dira, zenbaturiko silabekin; bertsoen eran eratzen dira: era ordenatuan, neurturik, erritmoaz eta errimaz; lehenengo urteetatik hasita modu autonomoan irakurriak eta melodiaren bidez kantatuak izan daitezen pentsatuta daude.

Galdetu dizute inoiz zer izan nahi duzun handitan?

Ilargian kulunkantari" saileko ale bakoitza ariketa poetiko bat da "begia hezteko eta belarria goxatzeko", Antonio Rubio egileak azaltzen duen bezala. Itxuraz xumeak izan arren, diseinuan zein edukietan, hausnarketarako eta sorkuntzarako.prozesu luze baten emaitza dira.Kantutegi tradizionalaren baliabideetan oinarrituta (errima, erritmoa, zenbaketa, errepikapena, metaketa...) eta hondo argien gainetik nabarmentzen diren irudi ezagunetan, kantatzeko eta kontatzeko bilduma hau erreferente bat da Haur eta Lehen Hezkuntzan 0-3 urte bitarteko haur askoren aurreirakurketaren bidean.Kolore biziz horniturik dauden liburukion proposamen estetikoa, 1999 urteko Ilustrazio Sari Nazionala jaso zuen Oscar Villanen eskutik datorkigu. Artisau-lana da berea, erraz antzematen diren pintzelkadaz eta tonalitatez hornitua; ehundura horiek guztiak ukitzeko modukoak dira batzuetan. Irudia nabarmen gelditzen da hondo argiko alderdian: marrazkia soil-soila da, eta erraz antzematen da, artistaren beraren ukitua bistan-bistan gelditzen delarik. Bi sortzaileon ekarpen literario eta plastikotik abiatuta, KALANDRAKAREN lana zera izan da, bi aldeak uztartzea, sortze prozesua bideratzea, eta, azkenik, argitalpenaz arduratzea.Ilargian kulunkantari bildumako liburuki bakoitza ariketa poetiko soil-soila da, baina aldi berean, musikaren indarra ere bere-berea du. Horren bidez, haurrak ezkerretik eskuinera eta goitik behera nola irakurri ikasiko du, eta, era berean, orrietan aurrera egin ahala bertsoen joan-etorriari bide ematen zaiola ere ohartuko da. Ilustrazioek berebiziko garrantzia hartzen dute grafiaren aldean. Irudi irakurterrazak dira eta hitzak bezalatsu artikulatzen dira, zenbaturiko silabekin; bertsoen eran eratzen dira: era ordenatuan, neurturik, erritmoaz eta errimaz; lehenengo urteetatik hasita modu autonomoan irakurriak eta melodiaren bidez kantatuak izan daitezen pentsatuta daude.