TRABALLO DE CAMPO

Traballo de campo é, dentro da obra poética de Seamus Heaney, unha pérola rara, un libro extravagante que foxe das clasificacións. Nunca antes tentara o autor unificar poemas de procedencias dispares nun libro. Sen embargo, o resultado foi excelente. Traballo de campo abanea entre o espírito sereno dos poemas ó amor e á terra e o ton aflixido e axitado dalgunhas das súas composicións, o que fai del un libro elexíaco, intenso. É a primeira vez que Traballo de campo ve a luz nunha lingua que non sexa o inglés. Dentro da pluralidade temática do libro, sobrancean secuencias como "Tríptico" ou "Sonetos de Glanmore", e o VIII, un dos cumes, xa non da poesía de Heaney, senón da que se leva feito neste século. Un século no que Irlanda deu poetas tan universais como W. B. Yeats e Heaney. Por certo, poucos libros tan irlandeses como Traballo de campo; "A praia do Lago Beg", ou "Baixa", poemas definitivos para entender esa illa afastada e verde, para uns esmeralda, para outros malaquita, e segundo a canción de Wolfestones con maneira de oso de peluche, berce de Seamus Heaney.